| موضوع: موتي خير الأحد 24 مايو 2009, 14:45 | |
| موتي خير ....بعدنه غلا ريدي مشى للغير ....ويش انريد حي
خير انموت ....ولا تبكوا علي ولا اتشيلوا صوت بعدنها مرادي هاللي احزام الكوت ....خانت وما خافت احساب ضمير والطعنه انجاتك متن اقراب الخوت...امعاها بالله ويش ادير
ويش انريد حي ....بذرنا اصواب وما جنينا شي وفارقت احباب اليوم موش اشوي ...اجولت وما نلت الا تقهير وعمرت فالصوب صرح لين اعلي...لكن اعزازي فيه نوو تدمير وكان متت راهي اسبابي هي ....خانت امعا سبق الاصرار والتفكير اخذوا الثار خلوني انبات هني ...سوا بالسم وللا بالسلاح خطير وللا بلغوا خلوها للنيابه اتجي ...وحكم القانون فــ القضية ايصير
يا بنات افكاري ....موتن وماعاد ليكن قاري اللي قبل بالله يحلف ايريد اشعاري...اليوم علينا يالله ايقول افـ خير ومر الامرار زاد فوق امراري ....حتى العسل في الريق تم مرير انموت بعدنه ماو غلاها اصداري....سوا انجنح وللا في السحاب انطير
خلاص انسوني ....ولاتقبلو عزا في لاتبكوني وبوسته قايل ميت ومادفنوني...ونا انقول ردو هلي جهير ولا اتسالوا شن صار لا اتسالوني...خلوني لسوال منكر امعاه انكير وادعوا في الجنة ان شاء الله تلقوني...وادعو المولى نبعد من لهيب سعير
ننقاني فديت .....وجرعت من امرار الصوب لين ارويت ما اتقول قبلها فالصوب غزلت لا سديت ...لا انجرحت لا عاود على سطير لا اتقول بذرت لا حصدت لا ذريت....امجرب ونا قاعد في الاعمار صغير وودر دليلي لصوبها وليت....اذهبت ونا كاين في الاصواب خبير وعارف مسادي الباير ما ايديرن بيت...وكسر الغلا ما ينفعه تجبير وكيف الموت ما دوا لداي القيت....موت ابعز خير من حياه بتكدير
الموت شجاعه ....واهناك بالعطش واهناك من ماتو جواعه وهناك من اسبابه هاللي سفاه اقناعه ....سلّم استسلم طاع جاه اسير اغدره باحراب سود شق اضلاعه....لين اوصل في القلب فجره تفجير وفيه من الغدر ميزته واطباعه ....وفيه من اربي عالطيبه امنين صغير وفيه من الشوق صيفه مرباعه ....وفيه من وفاه فيه اتحير وفيه من تمنا الموت جاه قناعه ...وفيه من ايخاف من المنايا اتغير وفيه من قبره ضاقن عليه اوساعه ....وفيه من استاسع قبره بفعل الخير وادعو المولى يختملنا بالطاعه ....ويشفع فينا رسولنا البشير
اخووووكم (ابـــن الـــيـــمـــن)
توقيع ابن اليمن | منتدياات حد الغربية
|
|
|
المهاجر | شخصية هامة | | |
عدد المساهماات : 1889 العمر : 34 النقاط : 2081 التّقييم : 4 الهواية : العزف على الة العود الإنتساب : 24/05/2008 . :
|
| موضوع: رد: موتي خير الإثنين 08 يونيو 2009, 10:23 | |
| ويش انريد حي ....بذرنا اصواب وما جنينا شي
احسن لقه في الموضوع بس هوا حلو كله بصراحه
شكرا يا ابن اليمن الغالي
توقيع المهاجر | منتدياات حد الغربية
|
|
|
| موضوع: رد: موتي خير الإثنين 08 يونيو 2009, 12:10 | |
| مشكور اخي ابن اليمن على رقي الكلمات ومعانيها
توقيع lacost | منتدياات حد الغربية
|
|
|