نكت مغربية بالجملة ادخل لن تندم.............fe khaterek a rachid

09/09/2008

هدا واحد القسم قالهم المعلم شرحوا كلمة انتصار حتى واحد معرف ،قالهم انعطيكم مثال : انتصر المسلمون على الكفار ،حتى واحد معطاه الإجابة قالهم انعطيكم مثال ساهل : انتصرت برشلونة على الريال تلاميد داروا ( وي ي ي ي ي ) قالهم المعلم شنو فهمتوا و هو واحد يرفع صبعوا وقالوا المسلمون و البرسا فالفينال ( finale).

*********

واحد البوليسي اول مرة غايخدم . وقف فالرومبوان وهو يوقف واحد خينا ودار بينهم الحوار التالي الشرطي : فين السمطة؟ السائق ... خرجت دغيا ونسيتها فالسروال لاخر .
الشرطي ..... هدا الطانوبيلة مسورية؟ السائق ... لا ماشي من سوريا من المغرب .
الشرطي ... هات أوراقك . وملي شد الوراق لقى التصويرة فالبيرمي قديمة وما بايناش وقال ليه الشرطي .... مالك ما كتبانش؟ السائق .... غير من الدار لخدمة .
لبوليسي طلع ليه الدم ومشى لاح ليهم الكسوة .

**********

قالك هدا واحد مبوق قال لصاحبه حلمت اننا ولينا فنانين انت فنان تشكيلي وانا فنان نشكي لك

***********

واحد مكلخ جالس مع صحابو او هما يبداو كيتكلمو على المنطق هو ما فهم والو او هو يسول واحد حداه او قال ليه

" من صباح او نتوما كتهدرو على المنطق او انا غير كانشوف فيكم اشنو هو النطق؟ " او هويقول ليه " عندك بريكا " قال ليه ايه او هو يقول ليه " يعني كتكمي " قال ليه ايه قال ليه " يعني كتجلس فلقهاوي " قال ليه ايه قال ليه " يعني كتبقا حاضي الي غادي او الي جاي " قال ليه ايه قال ليه " يعني كتصيد لبنات " قال ليه ايه قال ليه يعني " انت راجل " قال ليه ايه او هو يقول ليه هادا هو المنطق من بريكا عرفت عليك كلشي . او هو يمشي عند باه قال ليه واش عندك بريكا قال ليه لا او هو يقول ليه يعني انتا ماشي راجل .

*************

قاليك هادي شركة ديال كوكا بغات دير اشهار مباشر وهي تجيب واحد المتطوع

قالت ليه غادي تجري من الدار البيضاء للمحمدية وغادي توصل لمول الحانوت

غتقولو واش عندك كوكا غيقولك لا وغادي تكمل حتى الرباط وتمشي لعند الحانوت

غتقولو واش عندك كوكا غادي يعطيها ليك وتقول كوكا الانتعاش

.

اوا بداو كيصوروا خونا وصل للمحمدية مهلوك مقتول

..

قالو عندك كوكا قالو لا

..

قالو اعطيني سيدي علي

.. فانتا .. ريدبول .. سبرايت .. اي حاجة كتشرب .

**********

واحد مشا عند شوافة قا ل ليها بغيت تشوفي ليا واش نقدر نعيش

40 عام .. قالت ليه واش كتكمي .. قال لا .. واش كتشرب ... لا ... واش كتبع دريات ... لا ... قالت وعلاش بغي تعيش 40 عام

********

واحد تابع وحدة بطوموبيل ديالو طلعات ليه لقاها خايبة

. قال ليها اش سميتك قالت ليه غزلان . قال ليها زيدي جهلي فيا ..

**************

-قاليكم
هدا واحد من صغرو او هو خدام عمرو خرج للزنقة فاش كبر جوجاتو الوالدة
ديالو ، لغد ليه خرج كايطلب فيها عافاك الوالدة خليها تبات عندنا مازال
ليوما.

-هدا واحد سول صاحبو شناهي ’pourquoi’ بالعربية جاوبو صاحبو علاش قاليه لا غير سولتك.

-قليكم
هادا واحد المكلخ سخرو باه قليه هاك جيب 5 دراهم نعناع يلاه ولدو غايخرج
قاليه هاك ها 5 دراهم واحدة خرا جيب بها الزعفران , دري غبر او هو يتم جاي
تيجري سولو باه فين السخرة قاليه الدري الواليد فين 5 دراهم لينجيب بها
الزعفران او فين ليغانجيب بها النعناع.

قال ليك هدا واحد الراجل
أعمى كان غادي فطريق هوا يجي عندو واحد دري{طفل} تمتام بغا يوريه الطريق
وصلوا لواحد الحفرة هوا يقول ليه الدري ححححححححححححححح حفرة أهما يطيحو
لأعمى قال لمرة الجاية غي يقول حححححححح نقفز أهوا يقول ليه الدري
حححححححححح أهوا يقفز أهوا يدخل فحيط

سيارة فيها كلشي
بالكمبيوتر َتيْنَبه مولاها عند أي تجاوز..شعل كٌارو قاليه : اطفي اطفي
الكٌارو .. حط رجله على الدواسة،الكونتور(العداد) طلع ل 80 كلم/ س قاليه :
انتبه انتبه انت بسرعة ثمانين كلم/س.. زاد وَرﱠك طلع للمائة.. زاد ورك طلع
لمياتين وهو يقول ليه :ناري ناري باغي تقتلني الحيوان .. وقف وقف انت إلى
عاجبك راسك أنا مغديش معاك يلاه نزلني وتلاح

..عدول جاءت عندو
امراة وراجل باش يعقد عليهم قال ليها شنو الإسم ديالك قالت ليه جميلة مني
شاف فيها لقاها قبيحة وهو يلوح ليهم الوثائق وقال للشهود : سيرو بحالكم
راكم غادين تشهدوا الزور

واحد اهدى لحبيبته وردة فرحات بها بزاف مقداتهاش الدنيا.. وهي تقول ليه : هذه الوردة عطيتيها لي من قلبك؟ قال ليها لا من الحديقة..

محشش
وقفو بوليسي ولاحظ بأن لوحة الأرقام الأمامية مختلفة على الي في الخلف
قاليه : منين هدو ماتيتشابهوش فيها إن؟ مد ليه شي حاجة في يده وقال ليه :
إن وأخواتها..علاه دبا انت وجهك تيشبه لكٌفاك..

واحد مشى تيسول
على صاحبه من مدة مشافو.. دق في باب الدار خرجت أمه .. قالت ليه صيفتناه
أولدي يشري اللحم شهرين هذه مبان.. وقال ليها وشنو درتو قالت ليه الدجاج..

غبي
تيتفرج في التلفزة وشاف واحد نقز من فوق عمارة عالية ومربوط بحبل وقال
والله هذه تاساهلة .. اختار عمارة علوها 30مترواشترى حبل طوله 26مترطلع
فوق العمارة وتلاح ..مني هبط راسو تغرس في الأرض ..الناس ﮔ اع قالو ولد
فلان انتحر..في التحقيق ديال البوليس سولو الدرو ﮔ ري:شحال بعتي ليه من
متر؟قال ليهم هو طلب لي 26متر ولكن مني باه صاحبي زدتو 4 مترومن عندي
فابور..

واحد مشى عند آخر وقال ليه تشهد لي زور وتاخد عشرلاف بلا
فلان سلفتو مليون ومردهاش لي. صافي ؟ وهو يقول ليه على باقي مردهاش ليك
تنكٌوليك أصاحبي مبقيش تسلفو.. هداك راه جرارة

التمساح جاب
الربيع فرشو باش ينعس..نسى شي حاجة مشى يجيبها ..القرد حاضيه..خلاه مشى
وهو يرمي ليه الربيع في الواد داه التيار..مني رجع ملقا والو.. هز عينيه
للفوق وهو يشوف القرد سولو : ماشفتيش شكون هز لي الربيع القرد..وهو يقول
ليه بالعمى ماشفتو أبوبريص

واحد شاف صاحبو سكران تيكتب الثمنية
برجليه معقلش على راسو ..خاف عليه لتجي السطافيط تديه قال ليه : مالك
أصاحبي حالتك حالة.. يلاه يلاه نوصلك للدار..قال ليه عي خليني الساط راني
تنتسنى دارنا دوز وندخل ليها..يتوب عليك..

واحد دايز على سكران
وهو يسولو على عنوان مكتوب عنده في ورقة .. شدها وتعطل في القراية مقفل
والو.. وهو يقول ليه : هاد صاحبك ألخوادري مقالش ليك فين ساكن..

واحد
فين ما تيسكر تيعجبو يكٌلس جنب الطريق..الطموبيل الي دازت تتكلاكسوني :طوط
..تيرد عليها: وعليكم السلام.. طوط .. وعليكم السلام..دايز واحد وهو يقول
ليه : السلام عليكم ..وهو يقول ليه طوط..

بوجادي سرقو ليه الطوموبيل سولوه على الرقم قال ليهم :نكٌول ليكم تسعلاف أممممم تسعلاف وشي7 أولى 8هكاك.. كول عشرلاف مواصلاش..

واحد قال لصاحبه: مشيت للحمام وهو يدخل لي الماء لودني.. قال ليه: ذخل ليها الضوء وكريها..

واحد جاه الوجع مشى عند الطبيب .. قال ليه شنو كليتي؟ قال ليه بيمو ديال الدجاج.. ضامات ديال البنة ماجي أو كنور..

قطة دايزة لقات قط تينبح تعجبات وقال ليه وتامالك تلفتي الله تبقي الستر ؟ قال ليها :أ مكيف..أوكاعي فيها شي حاجة..

توقيع ziko2010

منتدياات حد الغربية

مراقب إداري · 23/04/2008

أخي الفاضل وصديقي الوفي زكرياء
نكت راااااائعة ومضحكة جدا تركتني أمووت من الضحك
ولا اعرف كيف اشكرك على هذه الهدية الرائعة
فبكل صراحة أنا سعيد جدا لأنك أهديت هذه الابتسامة لي
فشكرا لك من اعماق القلب ايها الغالي وتقبل مروري

توقيع zaizon

منتدياات حد الغربية

23/08/2009

شكرا لك اخي العزيز على هده النكت الجميلة

لقد رسمت ابتسامة عريضة على وجهي شكرا لك مرة تانية

ودمت بالف خير

توقيع فيروز

منتدياات حد الغربية

12/04/2009

ههههههههههههههههههههههههههههههههههه
مشكوووووووووووووووووووووووووووووووووور اخي
على روعة النكت
تحياتي وتقديري لك

توقيع chahinaz

منتدياات حد الغربية