اللهجة الفلسطينية

13/02/2010

اوقات هيك بتطلع معنا كلمات وألفاظ غريبة بس بنصير نستعملها ..
و كل بلد او منطقة اليها حصيلة من هاى الكلمات والمصطلحات ..يعنى بتكون شى مميز اليها.. وأكيد الفلسطينية ما شاء الله عليهم شوية مصطلحات غير شكل ..
فهى شويه مصطلحات فلسطينية على الآخر, يعني غزاويه ع مجدلاويه ع حماميه ع نابلسية ومن هنا وهنا مشكل يعني...

بنكيت = الرصيف في الشارع
شمينت = نوع من انواع اللبن مفردة من مخلفات العدو الصهيوني
الكوربة = راس الشارع = لفة آخر الشارع
ضاوي = فاقد = ما بفهم اشي
براد = إبريق
بشكير = منشفة اللي بنشف فيها وجهنا على الصبح
ابطيني = يعني بياكل اكل ما شاء الله ولا هو داري عن حاله
عشرطعش = يقصد فيها الكثرة من الشئ
رمزون = إشارة مرور ضوئية
سطل = جردل = دلو
هواية = مروحة
نونة = يعني شوي
نتفة = اقل من شوية
ونجك حالك = يعني زبط حالك
روق يا ضاوي = يعني وحد الله يا مجنون
على بلاطة = يعني من الآخر
شكشوكه = (اكله ) بندوره وبيض
بابوج = شبشب
معصلج = مزرجن = مش راضي أو بمعنى آخر راكب راسه
فورسة = فسحة اللي في نص الحصص في المدرسة
جمطة = يعنى ما بتنبلع = ما تنزل من زور
اجنص = لنج =جديد
مواسرجي = السباك ... الرجل الذي يقوم بتصلح المجاري
حنفية = صنبور= مصورة
قاع الدار = الجزء الامامي للدار
قزاز = زجاج
سيرج = زيت الذرة او زيت عباد الشمس
قداحة = ولاعة
بربيج = خرطوم المياة
زمور = منبه السيارة
منقرز = محتاج الى سيجارة
مخرمن = محتاج شاي او قهوة ههههه
شخبطة = خرابيش الجاج
شقلب وجهك عني= يعني ما بدي اشوف خلقتك
سبهللة = يعني بدون مسؤولية
افتح مخك وطقطق دنيك = ركز معي الله لايسيئك
تلقحيه = واحد رامي حالو علينا ,ملقوف بالخليجى
دكانة = سوبر ماركت
نتخرف = ندردش مع بعض
ام العبد و ابو العبد = اسم فلسطيني قح
قح = عالاخر
فرم الشاب = طحنه = خلاه زي الطحينه
جلدة راسه خميله = عبيط او بفهمش بسرعه
بدكاش = ما بدك
شاكوش = مطرقة
شمر = ارفع البنطلون او الجلبية وافكح او اجري
قرفان = واحد مش طايق حالو بالمرة
سك عالدم = يعني انسى ومش فايقلك
برقان = برتقال بس الواحد بيكون مستعجل
بوزك = وجهك
الحين = الان بس احنا النا بعد تانى عن الحياه ( حمامي) ههههه
حبيبى يا حج = حبيبى يا قلق = حبيبى يا لوز = حبيبى يا حوت
اوعى تتزحلق = يعنى تندب دير بالك فى صابون على البلاط
احلقلو = طنشو = ماتعبرهوش
ترللي = مهوي = اهبل
يجاكر = يعاند
زبدية = صحن من الفخار لعمل الدقة الغزاوية
ورق دوالي: ورق عنب
اسكومية = يعني ايس كريم هههههههه ( الدلع )
الفرشوحه = يعني سندويش الشاورما بالغزاوي القح
ريحة : يعني عطر
قصافة = يعني مقص أظافر
هلأ = الان = هسا = الحين بالفلاحي
مستهلسكو = يعني مش معبركو
مطعوج = من الفعل انطعج والمصدر تاعو انطعاج وهو الشء المعوج
فشكة = بيت الرصاصة الفارغه...
ازعق عليه = نادي عليه
ضلك كاوي = ضلك ماشي على طول (نفس الطريق )
يختي = اسلوب نداء للمؤنث
يخو= اسلوب نداء للمذكر
بعكش = فتش = ابحث = دور
بسكليت = يعني دراجة
بنكش راس= بمزح

يعني مش كل اهل فلسطين بستعملوا نفس الكلمات كل منطقة تختلف عن الثانية

توقيع فلسطينية

منتدياات حد الغربية

14/08/2008

ماشاء الله مفيدة ها الكلمات لمن حاب يتعلم لهجتنا
تسلمين اختى

توقيع @abdellah@

منتدياات حد الغربية

13/02/2010

ربي يخليك شكرا على مرورك بين جنبات موضوعي البسيط

توقيع فلسطينية

منتدياات حد الغربية

مراقب إداري · 23/04/2008

الأخت فلسطينية والله أشكرك من الأعماق على تألقك في اختيار المفيد

توقيع zaizon

منتدياات حد الغربية

26/08/2009

مشكورة كثيــر

تحية عطرة لكِ

دُمتِ

هدية

توقيع litchi

منتدياات حد الغربية

13/02/2010

اشكركم جميعا من كل قلبي على وجودكم المبارك في صفحتي البسيطة وتالقكم في ردودكم الجميلة

توقيع فلسطينية

منتدياات حد الغربية

15/07/2010

لهجتكم كتير حلوة وصعب شوي بس المغربية أصعب بكتير

توقيع شاعرة حد الغربية رانيا

منتدياات حد الغربية

13/02/2010

اكيد المغربية كانك اختي بتحكي طلاسم الواحد ما بيفهم شغلة لسى الفلسطينية الواحد بقدر يحللها بس المغربية حدث ولا حرج
هههههههههههه

توقيع فلسطينية

منتدياات حد الغربية

12/07/2010

لغة جميلة وسهلة لكن المغربية شيأ أخر فهي صعبة كما قالة الأخت رانبا

توقيع black angel

منتدياات حد الغربية

13/02/2010

اكيد اختي صعبة لهجنكم
نورتي اختي

توقيع فلسطينية

منتدياات حد الغربية

مراقب إداري · 23/04/2008

لالالا والله بالعكس أيها الأحبة ان الدارجة المغربية ليست صعبة كما تقولون
لا تضخموا الأمور أرجوكم ...لاتنسو أن الدارجة المغربية
تتشابه نوعا ما مع اللغة العربية الفصحى وان كانت تلك الكلمات المتشابهة قليلة
الا أن اللهجة الفلسطينية لاتخلوا أيضا من صعوباتها على غير الفلسطيني
ميزتنا نحن المغاربة هي أننا نفهم لهجات كل الدول العربية الا أن هذه الدول
لا تفهم شيئا من لهجتنا - الدارجة المغربية- الا بصعوية وبعد احتكاك مع المغاربة
لا أعرف لماذا لكن هذا هو الحال الواقع نحمد الله عليه .
ومن هذا المنبر أعد الاخوة الذين يريدون تعلم الدارجة المغربية
أني سأحاول ادراج صفحة خاصة لتعلم الدارجة المغربية
وان شاء الله يشاركنا كل الاخوة المغاربة بكلمة أو جملة بالدارجة
مع ترجتمتها بالعربية الفصحى
لكم مودتي واقديري أيها الغاليين أعضاء منتدى حد الغربية والسلام عليكم

توقيع zaizon

منتدياات حد الغربية

12/06/2010

شكرا لك اخي رشيد

وارجو منك سريعا فعل ذلك

لانني اريد ان اتعلم لغتكم ربما اصبح فلسطو مغربي

ثم تحيه طيبه للاخت الفلسطينيه على ادراج هذا الموضوع وانا ساهناءها الان بالعاميه

مشكوره يا ست بدي اقولك هالنكته الحلوه

بقول لك اتنين حلوين تجوزو بعض خلفوا ولد بلصق بدي منك تضلي دائما اودام (قدام)

شكرا والى الامام
ادم

توقيع ادم الطوري

منتدياات حد الغربية

13/02/2010

اخي رشيد اتمنى منك ان تدرج هذا الموضوع عن اللهجة المغربية يمكن انت مثل ما احكيت هي صعبة للعرب بس انتوا بتفهموا لهجتنا يمكن لانكم تتكلمون بسرعة

اخي ادم والله نكتة حلوة هههههههههههههههههه شكرا الك على التهنئة الحلوة وهي نكتة الك
فيه غبي سافر لندن، وحضر حفلة لرامي عياش، ولما سمع رامي يغني بحطها عاراسي من فوق قام يرفع ايده ويصرخ عرفتها عرفتها.. الطاقية...

توقيع فلسطينية

منتدياات حد الغربية

مراقب إداري · 23/04/2008

مرحبا بيكم أيها الأخوة...تفضلو من هنا

https://lhad.yoo7.com/montada-f36/topic-t7201.htm

توقيع zaizon

منتدياات حد الغربية

12/07/2010

شكرا لك أخي رشيد و يسلمووووووووووووووو أختي الفلسطينية

توقيع black angel

منتدياات حد الغربية

محمد زايزون · 18/04/2008

جميل جداا أن أحفظ كل هذه الكلماات التي أدرجتِ في موضوعك أخني فلسطينية

شكراا جزيلاا على الطرح القيم

إن شااء الله دوماا تأتيناا بالجديد مثل هذاا

وكوني بخير داائما إن شااء الله

توقيع Mimo4ever

منتدياات حد الغربية